Qazaqstan Respýblıkasy Energetıka mınıstrliginiń buıryǵy №376 

  2016 jylǵy 5 tamyz Astana qalasy «Elektr energııasynyń ortalyqtandyrylǵan saýda-sattyǵyn uıymdastyrý qaǵıdalaryn bekitý týraly» Qazaqstan Respýblıkasy Energetıka mınıstriniń 2015 jylǵy 24 aqpandaǵy № 137 buıryǵyna ózgeris engizý týraly «Quqyqtyq aktiler týraly» 2016 jylǵy 6 sáýirdegi Qazaqstan Respýblıkasy Zańynyń 50-babynyń 2- tarmaǵyna sáıkes buıyramyn: 1. «Elektr energııasynyń ortalyqtandyrylǵan saýda-sattyǵyn uıymdastyrý qaǵıdalaryn bekitý týraly» Qazaqstan Respýblıkasy Energetıka mınıstriniń 2015 jylǵy 24 aqpandaǵy № 137 buıryǵyna (Normatıvtik quqyqtyq aktilerdi memlekettik tirkeý tiziliminde № 10550 bolyp tirkelgen, 2015 jylǵy 14 sáýirde «Ádilet» aqparattyq – quqyqtyq júıesinde jarııalanǵan) mynadaı ózgeris engizilsin: kórsetilgen buıryqpen bekitilgen Elektr energııasynyń ortalyqtandyrylǵan saýda-sattyǵyn uıymdastyrý qaǵıdalarynda: 30-tarmaqtyń 1) tarmaqshasy mynadaı redaksııada jazylsyn: «1) júıelik operator Qazaqstan Respýblıkasy Energetıka mınıstriniń 2015 jylǵy 3 jeltoqsandaǵy № 691 buıryǵymen (Normatıvtik quqyqtyq aktilerdi memlekettik tirkeý tiziliminde № 12562 bolyp tirkelgen) bekitilgen Júıelik operatordyń qyzmet kórsetý, júıelik jáne qosalqy kórsetiletin qyzmetter naryǵyn uıymdastyrý jáne onyń jumys isteý qaǵıdalaryna sáıkes bekitilgen tártipte saýda-sattyqtyń nátıjeleri boıynsha elektr energııasyn satyp alýdyń (satýdyń) kólemderin kelispegen;». 2. Qazaqstan Respýblıkasy Energetıka mınıstrliginiń Elektr energetıkasy departamenti Qazaqstan Respýblıkasynyń zańnamasynda belgilengen tártippen: 1) osy buıryqty Qazaqstan Respýblıkasynyń Ádilet mınıstrliginde memlekettik tirkeýdi; 2) osy buıryq memlekettik tirkelgennen keıin onyń kóshirmelerin kúntizbelik on kún ishinde merzimdi baspa basylymdarynda, «Ádilet» aqparattyq-quqyqtyq júıesinde jáne «Qazaqstan Respýblıkasy Ádilet mınıstrliginiń «Respýblıkalyq quqyqtyq aqparat ortalyǵy» sharýashylyq júrgizý quqyǵyndaǵy respýblıkalyq memlekettik kásipornyna Qazaqstan Respýblıkasy normatıvtik quqyqtyq aktileriniń etalondyq baqylaý bankine engizý úshin resmı jarııalaýǵa jiberýdi; 3) osy buıryqty Qazaqstan Respýblıkasy Energetıka mınıstrliginiń resmı ınternet-resýrsynda jáne memlekettik organdardyń ıntranet-portalynda ornalastyrýdy; 4) osy buıryqty Qazaqstan Respýblıkasynyń Ádilet mınıstrliginde memlekettik tirkegennen keıin on jumys kúni ishinde Qazaqstan Respýblıkasy Energetıka mınıstrliginiń Zań qyzmeti departamentine osy tarmaqtyń 2) jáne 3) tarmaqshalarymen kózdelgen is-sharalardyń oryndalýy týraly málimetterdi berýdi qamtamasyz etsin. 3. Osy buıryqtyń oryndalýyn baqylaý jetekshilik etetin Qazaqstan Respýblıkasynyń Energetıka vıse-mınıstrine júktelsin. 4. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Qazaqstan Respýblıkasynyń Energetıka mınıstri Q.BOZYMBAEV Buıryq Qazaqstan Respýblıkasynyń Ádilet mınıstrliginde 2016 jylǵy 9 qyrkúıekte Normatıvtik quqyqtyq kesimderdi memlekettik tirkeýdiń tizilimine №14217 bolyp engizildi.